Dhjetëra njerëz janë zhdukur në Guajanë të Amerikës së Jugut, pasi një traget pasagjerësh u fundos në Oqeanin Atlantik.
Sipas informacionit zyrtar nga autoritetet e vendit, trageti ‘MV Barima’ mbante gjithsej 116 pasagjerë dhe 17 anëtarë të ekuipazhit.
Deri më tani, ekipet e shpëtimit kanë arritur të shpëtojnë 67 persona, përfshirë 15 fëmijë.
Anija ishte në një itinerar me destinacion përfundimtar fshatin e largët të Port Kaitouma, megjithatë mbetet e paqartë se nga cili port ishte nisur./Mxh