Nëse ju ndodh të hyni në kuzhinë dhe të ndjeni se aroma e gatimit nuk largohet, edhe pasi ke hapur dritaret, nuk je i vetmi. Pikërisht për këtë arsye, një truk i thjeshtë po bëhet gjithnjë e më i zakonshëm: njerëzit po vendosin kafe në një kavanoz dhe po e lënë të hapur në kuzhinë.
Tingëllon pak e çuditshme në fillim, por arsyeja pse funksionon është shumë më logjike nga sa duket. Kafeja, përveçse është një nga aromat më të dashura për shumicën prej nesh, ka edhe një aftësi natyrale për të thithur dhe neutralizuar erërat e tjera.
Në praktikë, mjafton të vendosësh një ose dy lugë kafe të bluar në një enë të vogël dhe ta lësh të hapur në një cep të kuzhinës. Shumë njerëz thonë se efekti ndihet pothuajse menjëherë, sidomos kur bëhet fjalë për aroma të forta si ato të gatimeve me hudhër, qepë apo peshk.
Truku më i thjeshtë për erërat e pakëndshme në
Kafeja ka një strukturë poroze, që do të thotë se është në gjendje të thithë grimcat në ajër, përfshirë ato që shkaktojnë erërat e pakëndshme. Përveç kësaj, përmbajtja e lartë e azotit ndihmon në “kapjen” dhe neutralizimin e këtyre aromave, në vend që thjesht t’i maskojë ato.
Kjo e bën kafenë veçanërisht efektive në ambiente të mbyllura si frigoriferi, dollapët apo kuzhinat ku aromat e pakëndshme qëndrojnë më gjatë. Megjithatë, funksionon edhe në hapësira më të mëdha, sidomos nëse përdoret në sasi pak më të madhe.
Një tjetër detaj është që nuk ke nevojë për kafe të shtrenjtë; edhe një pako e thjeshtë kafeje nga supermarketi bën punë./mxh