Last Updated on 07/09/2025 by adminfjala
Trupat e Forcave të Armatosura po zhvillojnë një trajnim në Letoni në mbështetje të Brigadës Shumëkombëshe të NATO-s.
Kreu i qeverisë, Edi Rama, përmes një postimi në rrjete sociale, ka ndarë pamje nga trajnimi i trupave ushtarake shqiptare, teksa jep detaje se Forcat e Armatosura i janë nënshtruar stervitjes “Exercise OAK Resolve”.
Kreu i qeverisë, Edi Rama, shprehet se ky trajnim forcon kapacitetet operacionale të Forcave të Armatosura në mjediset ndërkombëtare.
“Efektivët e Kontingjentit të XVII EOD të Forcave të Armatosura në stërvitjen “Exercise OAK Resolve” në Letoni në mbështetje të Brigadës Shumëkombëshe të NATO-s me detyra reale për asgjësimin e mjeteve të pashpërthyera (UXO) dhe hapjen e shtigjeve për lëvizjen e trupave.
Angazhim që rrit ndërveprueshmërinë me forcat aleate dhe forcon kapacitetet operacionale të njësive tona në mjediset ndërkombëtare.”-shkruan Rama në rrjete sociale. m.p.