Mbrojtësi holandez Denzel Dumfries ka zhvilluar stërvitjen e parë me Real Madridin, duke nisur përgatitjet për sezonin e ri nën drejtimin e trajnerit Jose Mourinho.
Futbollisti ka nënshkruar një kontratë afatgjatë me klubin spanjoll, e cila është e vlefshme deri në qershor të vitit 2030.
Real Madridi e realizoi këtë transferim duke paguar klauzolën e largimit prej 20 milionë eurosh që lojtari kishte në kontratën e tij me Interin.
30-vjeçari u largua nga zikaltërit pas pesë sezoneve, përgjatë të cilëve regjistroi 207 paraqitje, 27 gola, 28 asistime dhe fitoi dy tituj të Serie A. Në ditët e para në Madrid, holandezi po punon për t’u përshtatur me kërkesat taktike të stafit teknik dhe për t’u integruar me grupin e ri të lojtarëve.
Karakteristikat e tij fizike dhe përvoja e fituar në kampionatin italian shihen si përforcim për krahun e djathtë të mbrojtjes madrilene. Stërvitjet e verës do të jenë vendimtare për formën e tij fizike përpara fillimit të ndeshjeve zyrtare të kampionatit./mxh