Last Updated on 15/04/2026 by EL
Skena kaosi u zhvilluan në një autostradë me dëborë në Kolorado të SHBA-ve, ku ndodhi një aksident masiv që përfshinte më shumë se 70 automjete.
Aksidenti shkaktoi 8 të plagosur, me një prej të plagosurve në gjendje të rëndë sipas vlerësimeve fillestare mjekësore nga spitali ku po trajtohet.
Autoritetet mbyllën përkohësisht një pjesë të autostradës, rreth 80 kilometra në perëndim të Denverit, duke shkaktuar trafik të rënduar.
Shkaqet e sakta të karambolit mbeten të paqarta.
Megjithatë, dëshmitarët nga vendi i ngjarjes flasin për kushte jashtëzakonisht të rrezikshme, me reshje të dendura dëbore dhe erëra të forta që krijojnë rrëshqitje të shtuar në sipërfaqen e rrugës./ET