Organizatat klimatike konfirmojnë se viti 2025 është në rrugë për t’u renditur ndër vitet më të nxehta të regjistruara ndonjëherë. Deri tani, vetëm viti 2024 e tejkalon në temperatura ekstreme.
Shkencëtarët paralajmërojnë se kombinimi i ndryshimeve klimatike afatgjata me fenomenin El Niño ka çuar në rritje alarmante të temperaturave, sidomos në hemisferën veriore. Kjo ka ndikuar në valë të gjata të të nxehtit, thatësira, zjarre pyjore dhe përkeqësim të cilësisë së ajrit.
Raportet theksojnë se pa ndërhyrje të forta globale për reduktimin e emetimeve, vitet e ardhshme mund të jenë edhe më të nxehta. Alarmet klimatike po i shtyjnë shumë vende të rishikojnë politikat energjetike dhe strategjitë e mbrojtjes së mjedisit./KM