Nga Auron Tare
Diku nga vera e 2002 në fillimin e Agorasë së Butrintit, Bujari një nga punëtorët e vjetër, zbuloi me lopatë një copëzë mermeri. Përvoja e gjatë e kishte mësuar se të tilla gjetje mund të ishin të rëndësishme. Pasi dërgoi dikë të më lajmëronte për këtë gjetje filluam bashkë të pastrojmë dherat dhe gurët. Si fillim gjetëm një këmbë me sandale dhe pas një gërmimi te kujdesshëm nga dy punëtorë me përvojë Kicua dhe Bujari, në prani edhe të arkeologut doli trupi i një statuje me përmasa të mëdha. Arkeologu Çondi mendoi si fillim se Statujs duhet të ishte Shtati i Minervës pasi dikur aty afër ishte zbuluar një mbishkrim i saj.
Statuja më e madhja e gjetur ndonjë herë në Butrint dhe unikale në llojin e saj krijoi një atmosferë të tendosur për ekipin britanik të arkeologëve të cilët deri në atë kohë nuk kishin pasur mundësi të bënin një zbulim kaq befasues. Për këtë arsye nuk i është dhënë vemendja e duhur dhe është lënë ne harresë në të gjitha botimet e tyre.
Gjithsesi pas një kohe të gjatë kërkimi mbi identitetin e kësaj Skulpture gjigande dhe me opinionin e Prof Ceka. Prof Sandro De Maria dhe Machiarela mund të themi se Statuja është një dedikim për Perandorin Octavian Augustus nga Kolonia Romake e Butrintit. Identifikimi i saj vjen nga Toga, veshja e Skulpturës e cila në periudhën e fundit të Republikës fillimit të Imperiumit Ishte në një mënyrë specifike.
Statuja është unike pasi është punuar nga 3 Skulptorë të ndryshëm ne epoka të ndryshme duke e reduktuar në dimension dhe tentuar më vonë për ta kthyer në Bust dhe më pas është braktisur.
