Last Updated on 21/07/2026 by Anisa
Duke u ndalur te protestat, kryeministri Edi Rama bëri edhe njëherë dallimin mes flamingove dhe atyre që i konsideron si sorra e korba, të cilët sipas tij nuk kanë asnjë lidhje me të ardhmen e Shqipërisë.
Rama tha se flamingot i kanë mësuar shumë dhe e kanë bërë të mendojë thellë, ndërsa shprehu neveri për ata që sipas tij ulërijnë, shajnë, dhe këndojnë vulgaritete në kor.
“Paketa e maleve është gjëja që u ka munguar njerëzve. Zhurma dhe akuzat shpifëse, ndarjet, vetëm mjegullojnë sytë e atyre që merren me to. Paketa e maleve do të jetë një histori e madhe suksesi për shqiptarët.
Unë po shkoj përtej, aty ku realiteti i hedh poshtë të gjitha broçkullat që thuhen për mënyrën se si mund të zhvillohet ekonomia e maleve. Realiteti tregon se njerëzit që punojnë dhe fitojnë, mund të bëhen viktima të sulmeve agresive dhe të ulëta mbi djersën e tyre, sakrificat e tyre, gjakun e tyre.
Të trokasin në dyert e atyre ekonomive dhe bujtinave, ato janë Shqipëria ndaj shqipërisë së dembelëve që duan vetëm lekë dhe nuk lënë gjë pa thënë për të gjithë të tjerët që lekun e fitojnë me punë. Shpifin e shajnë për këdo, aty janë shqiptarët realë të punës. Shqipëria që do të bëhet Zvicra e vogël në ato male.
Për çfarë unë kam reflektuar personalisht, nga pasqyra e bulevardit të flamingove është temë tjetër dhe do ta ndaj me të gjithë në ditët në vijim, por ai bulevard është shumë i ndarë, për mua të paktën. Është i ndarë për historinë. Historia e flamingove është historia e Shqipërisë së re, kurse jo e sorave dhe korbave që e kanë marrë peng dhe e kanë kthyer në një shëmbëlltyrë simetrike me jashtënxjerrjen e asaj opozite që nuk dihet më ku është. Nuk ka asnjë lidhje me historinë e të ardhmes së Shqipërisë, ka lidhje vetëm me të shkuarën, që është shumë shqetësuese për të parë historinë. Ekstremet e majta dhe të djathta që vijnë për të sjellë më të keqen për një vend përmes sharlatanësh, injorantësh dhe dështakësh e zemërakësh të pangushëllueshëm.
Paketa e maleve është histori e të ardhmes. Këta që bërtasin për një Shqipëri që nuk duan të huaj, janë më e keqja e këtij vendi. Shumë respekt për flamingot që më kanë mësuar shumë dhe më kanë bërë të mendoj thellë. Vetëm refuzim dhe madje, përveç refuzimit, edhe neveri për ata që janë sorrat dhe korbat e mbledhura të këtij vendi, që ulërijnë dhe shajnë, këndojnë në mënyrë vulgare dhe u duket se po ndryshojnë botën. Nuk kanë shanse këtu në Shqipëri”, u shpreh Rama.
Rama thotë se flamingot janë historia e Shqipërisë së re, e ndërsa ata që ai i etiketon si sorra, thotë se e kanë marrë peng protestën dhe se e kanë kthyer në shëmbëlltyrë të opozitës.
“Për çfarë unë kam reflektuar personalisht, nga pasqyra e bulevardit të flamingove është temë tjetër dhe do ta ndaj me të gjithë në ditët në vijim, por ai bulevard është shumë i ndarë, për mua të paktën. Është i ndarë për historinë. Historia e flamingove është historia e Shqipërisë së re, kurse jo e sorrave dhe korbave që e kanë marrë peng dhe e kanë kthyer në një shëmbëlltyrë simetrike me jashtënxjerrjen e asaj opozite që nuk dihet më ku është. Nuk ka asnjë lidhje me historinë e të ardhmes së Shqipërisë, ka lidhje vetëm me të shkuarën, që është shumë shqetësuese për të parë historinë”, thotë kreu i qeverisë në një reagim të bërë sot në rrjetet sociale.“Ekstremet e majta dhe të djathta që vijnë për të sjellë më të keqen për një vend përmes sharlatanësh, injorantësh dhe dështakësh e zemërakësh të pangushëllueshëm.”, shton ai më tej.
/ad