Seriali “Teheran”, prodhim izraelit që debutoi më 20 qershor 2020 dhe i shpërndarë ndërkombëtarisht më 25 shtator të së njëjtit vit në Apple TV, ka fituar menjëherë vëmendjen e publikut dhe kritikëve, duke u bërë një nga titujt më të rëndësishëm të serialeve izraelite të kohëve të fundit. Ky është gjithashtu seriali i parë jo-anglisht që Apple TV vendosi të publikojë, duke shënuar një hap të madh për përmbajtjen ndërkombëtare në platformë.
Historia përshkruan historinë e një agjenteje të Mossadit me origjinë iraniane, e rritur në Izrael dhe eksperte në hakimin kompjuterik, e luajtur nga aktorja Niv Sultan, e cila merr detyrën të infiltrohet në Iran për të penguar një reaktor bërthamor. Në këtë rrëfim të mbushur me spiunazh, vrasje dhe intrigë, përveç Sultan, janë përfshirë yje si Glenn Close dhe Hugh Laurie, duke e bërë serialin një bashkëpunim ndërkombëtar të zellshëm.
Seriali është shkruar nga Moshe Zonder dhe Omri Shenhar, dhe është xhiruar në Athinë, ku qyteti grek shërben si vendi ku riprodhohet vizualisht Teherani. Në vitin 2021, seriali fitoi çmimin për serialin më të mirë dramatik në edicionin e 49-të të International Emmy Awards, duke u bërë prodhimi i parë izraelit që arrin këtë sukses.
Në sezonin e dytë, Glenn Close luante rolin e agjentes britanike të Mossadit, Marjan Montazeri, një grua që kishte jetuar në Iran, ishte martuar me një mjek iranian dhe ishte konvertuar në shiite. Historia e saj përzihej ngushtë me rrëfimin e Tamar Rabinyan (Sultan). Në krah të tyre, Shaun Toub luan rolin e hetuesit Faraz Kamali. Drejtimin e serialit e ka bërë Daniel Syrkin, ndërsa ata që krijuan këtë serial kanë përvojë të suksesshme më parë me serialin Fauda, një tjetër hit ndërkombëtar izraelit.
“Teheran” pasqyron tensionet reale mes Jerusalemit dhe Teheranit, duke trajtuar tema si sabotazhi, programet bërthamore dhe luftën kibernetike, gjë që ka shkaktuar edhe polemika në Iran, ku mediat pranë regjimit e kanë akuzuar serialin për propagandë kundër vendit.
Publikimi i sezonit të tretë, i përfunduar në vitin 2024, u shty për shkak të konfliktit në Lindjen e Mesme, por më në fund Apple TV vendosi ta shpërndajë në janar të këtij viti, duke i dhënë mundësinë publikut të ndjekë vazhdimin e historisë që ka bërë jehonë ndërkombëtare./mxh