Last Updated on 19/02/2026 by Anisa
Kryeministri polak, Donald Tusk, u bëri thirrje qytetarëve polakë të largohen nga Irani, duke paralajmëruar se “në asnjë rrethanë askush nuk duhet të udhëtojë atje”, pasi, sipas tij, mundësia e një konflikti aktiv është “shumë, shumë afër”.
Ai nënvizoi se një konflikt mund të shpërthejë “brenda pak, dhjetë apo edhe dhjetëra orëve të ardhshme”, duke theksuar se në një situatë të tillë “largimi mund të mos jetë më i mundur”.
“Ju lutem merreni seriozisht këtë paralajmërim. Në të kaluarën kemi pasur raste ku njerëzit injoruan këshillat e ngjashme dhe përfunduan në vështirësi. Kjo është arsyeja pse dua ta theksoj sërish: largohuni menjëherë nga Irani ose anuloni planet tuaja të udhëtimit. Nëse shpërthen një konflikt i hapur, askush nuk mund t’ju garantojë një dalje të sigurt,” tha kryeministri polak gjatë një konference për shtyp.