Last Updated on 18/02/2026 by EL
Një peshkaqen i rrallë është kapur në kamera për herë të parë në thellësitë e akullta të Antarktidës, duke habitur komunitetin shkencor.
Videoja tregon një peshkaqen gjigant që lëviz ngadalë në ujërat e thella të Antarktidës. Pamjet janë regjistruar në janar të vitit 2025 dhe, sipas studiuesit Alan Jameson, peshku ishte rreth 3 deri në 4 metra i gjatë.
“Duke shkuar atje, nuk prisnim të shihnim peshkaqenë, pasi pikëpamja mbizotëruese ishte se ata nuk jetojnë në ujërat e akullta të Antarktidës”, tha Jameson, duke shtuar se ishte “një peshkaqen veçanërisht i madh”.
Kamera, në pronësi të Qendrës së Kërkimeve në Det të Thellë Minderoo-UWA, u vendos në Ishujt Shetland Jugor, pranë Gadishullit Antarktik. Zona ndodhet brenda Oqeanit Antarktik, i njohur edhe si Oqeani Jugor.
Peshkaqeni u pa në një thellësi prej 490 metrash, ku temperatura e ujit ishte vetëm 1.27 gradë Celsius. Në të njëjtën pamje, shihet edhe një peshkaqen i palëvizshëm në shtratin e detit, gjë që nuk i habiti shkencëtarët, pasi kjo specie dihet se jeton shumë larg në jug.
Pamjet janë regjistruar në janar të vitit 2025 dhe, sipas studiuesit Alan Jameson, peshku ishte rreth 3 deri në 4 metra i gjatë.
Jameson tha se nuk ka të dhëna të mëparshme për një peshkaqen në Oqeanin Antarktik. Ky vlerësim ndahet nga biologu i ruajtjes së natyrës Peter Cain i Universitetit Charles Darwin, i cili vuri në dukje se ndryshimi i klimës dhe rritja e temperaturave të oqeanit mund t’i shtyjnë peshkaqenët drejt ujërave më të ftohta në Hemisferën Jugore.
Megjithatë, siç theksojnë ekspertët, është e mundur që peshkaqenët e gjumit që lëvizin ngadalë kanë jetuar prej kohësh në thellësitë e Antarktidës pa u zbuluar, për shkak të izolimit të zonës dhe pranisë së kufizuar të kamerave kërkimore.
“Ishte koha e duhur, në vendin e duhur, me kamerën e duhur. Zbulimi është veçanërisht i rëndësishëm”, tha Cain./et