Kushtet atmosferike të paqëndrueshme që kanë përfshirë vendin prej disa ditësh kanë sjellë përmbytje në disa zona të vendit.
Situata paraqitet shqetësuese edhe në jug të vendit, ku lumi Vjosa ka dalë sërish nga shtrati.
Mësohet se niveli i ujit ka arritur në kuotën 7.45 metra, ndërsa prurjet vijojnë të jenë me intensitet të lartë.
Në Memaliaj, niveli i lumit ka shkuar deri në 7 metra, duke rritur rrezikun për përmbytje të zonave përreth. Autoritetet paralajmërojnë se në orët në vijim pritet një rritje e mëtejshme e nivelit të Vjosës, e cila mund të arrijë deri në 8.5 apo edhe 9 metra./KM