Një gjykatë speciale në Islamabad të Pakistanit, ka dënuar me vdekje ish-presidentin, Pervez Musharaf, me akuzën e tradhëtisë së lartë ndaj kombit të tij. Ish-presidenti Musharaf, është gjykuar në mungesë me akuzën e tradhëtisë, pasi pezulloi kushtetutën në nëntorin e vitit 2007 me vendosjen e “ligjit të emërgjencës”, për të zgjatur mandatin e tij.
Gjenerali Pervez Musharaf, erdhi në pushtet në Pakistan në vitin 1999 nëpërmjet një grushti shteti. Musharaf ishte president i vendit prej vitit 2001 deri në vitin 2008, vit kur dha dorëheqjen për t’ju shmangur hetimit nga drejtësia.
Gjenerali Musharaf, prej vitit 2016 ndodhet në Dubai për të marrë mjekim dhe ka refuzuar të paraqitet para drejtësisë, pavarësisht disa kërkesave nga gjykata./Lexo.al/
