Kontraditat midis qeverisë polake dhe ligjit të BE-së, mund të çojnë në një tjetër humbje për Europën e bashkuar.
Gjykata Supreme e Polonisë sqaroi se planet nga nacionalistët në pushtet, për miratimin e disa ligjeve që prekin sistemin e drejtësisë janë kundërshtim me ligjin evropian dhe do të përkeqësojnë tensionet ekzistuese midis Brukselit dhe partisë qeverisëse të Polonisë.
BE-ja e ka akuzuar partinë në pushtet për politizimin e gjyqësorit që nga koha kur ajo erdhi në pushtet, në vitin 2015.Qeveria në Poloni thotë se reformat e saj janë të nevojshme për ta bërë sistemin gjyqësor më efikas.
Lëvizjet nga Hungaria dhe Polonia për të përfshirë gjykatat dhe mediat nën kontrollin e shtetit, kanë bërë që Komisioni Evropian, krahu ekzekutiv i BE-së, të fillojë hetimet e ligjeve, të cilat në teori mund të çojnë në pezullimin e të drejtave të tyre të votimit në BE.
Polonia u bashkua me BE-në më 2004 dhe mbështetja e publikut për anëtarësim mbetet e fuqishme, megjithë mosmarrëveshjet midis Brukselit dhe partisë në pushtet. Deri më tani vetëm Britania e Madhe ka zgjedhur të largohet nga blloku, pas një referendumi në vitin 2016.
