Një fermë plot me kanabis është zbuluar ngjitur me stadiumin e Totenhemit “White Hart Lane”. Aktiviteti kriminal u zbulua përpara se të niste ndërtimi i impiantit të ri të “Spërsave”.
Ky lajm u konfirmua nga vetë Presidenti i skuadrës së Totenhemit, Daniel Levi, i cili ka treguar se si banda kriminale kishte tentuar të merrte hak ndaj klubitpasi u zbuluar magazine me tre hektarë bimë narkotike.
Në një intervistë për median “Evening Standard”, Levi tha se klubi i tij kishte blerë diku te 80 prona rreth stadiumit dhe kishin ndjerë aromën e e bimëve narkotike.
“Ne zbuluam se ajo ishte mbyllur me shul nga brenda dhe kur arritëm të hyjmë, pamë tre hektarë kanabis që kultivohej brenda. Natyrisht që i telefonuam menjëherë policisë”,-tha për këtë media 57-vjeçari.
Më tej, kreu i Totenhemit shtoi se personat që merreshin me këtë aktivitet kriminal tentuan të hakmerren ndaj tij dhe klubit.
“Gjëja e radhës që ndodhi ishte se ne mësuam se u bëmë viktima të një sulmi hakmarrës kur tubat e furnizimit me ujë në pronat që ne zotëronim në “High Road” u prenë, duke i përmbytur të gjitha ato”-shtoi Daniel Levi.
Ndërkohë, vlen të theksohet se për fatin e mirë të tyre klubi dhe stadium nuk patën dëmtime. Ky incident ndodhi pasi Levi nisi të prishë stadiumin “Ëhite Hart Lane” në momentin që ai mori drejtimin e klubit.
Impianti I ri nis të ndërtohej në fund të vitit 2015 dhe skuadra u zhvendos drejt “Wembley” për rreth 18 muaj përpara se të përfundonte stadiumi. /Përgatiti: Fjala.al/
