Ka përfunduar takimi Flamurtari-Teuta dhe këta të fundit kanë arritur të triumfojnë me rezultatin 1-3.
Durrsakët kanë arritur që të barazohen me pikë me ekipin e Laçit, i cili aktualisht mban vendin e pestë, ndërsa vlonjatet e vendit të fundit janë zhytur akoma më shumë nga ky rezultat shkatërrimtar.
Ndeshja e cila duhej të ishte zhvilluar ditën e djeshme u ndërpre për shkak të kushteve të këqija atmosferike dhe terrenit shumë të keq të fushës, rezultoi me pasoja të rënda për kuqezinjtë.
Teuta arriti që të shënonte dy gola me anë të Vilës në minutën e 33 ku dhe u zhbllokua rezultati për tu dyfishuar në të 47-të.
Më pas ishte Kallaku ai që shënoi golin e tretë për durrsakët në minutën e 66-të duke e rënduar akoma më shumë situatën e kampit kundërshtar.
Vlonjatet arritën që të preknin vetëm njëherë portën e rivalëve të tyre në këtë ndeshje në minutën e 89 me anë të Ribajt.
Ky rezultat e lë Flamurtarin në kuotën e vetëm 6-të pikëve nga 17 ndeshje të luajtura, me një diferencë prej 5 pikësh me Luftëtarin e vendit të 9-të dhe 15 pikësh me Skënderbeu, i cili ndodhet në vendin e 8-të të kësaj renditjeje./Përgatiti: Fjala.al/
