7 lojtarë të kombëtares së futbollit të Eritreas janë arratisur nga grumbullimi gjatë zhvillimit të Kupës së Afrikës Lindore në Uganda dhe kanë kërkuar azil politik.
Kjo ngjarje e jonormale, që alarmoi organizatorët e garës dhe autoritete e Eritreasë dhe ato vendase, ka ndodhur menjëherë pas ndeshjes me Ugandën ku u mundën me rezultatin 3-0.
Megjithatë, ky nuk incidenti i parë në të cilin përfshihet Eritreaja, pasi në tetor 5 futbollistë të U-20 u larguan nga grumbullimi kur zhvillohej kompeticioni i Kupës së Afrikës Lindore për këtë grupmoshe.
Para 4 viteve 10 lojtarë të po këtij shteti nuk pranuan që të ktheheshin në Eritrea pas ndeshjes me Botsvanën, takim kualifikues për Kupën e Botës në vitin 2018. Ndërsa, në vitin 2013 15 futbollistë dhe bashkë me ta edhe mjeku i ekipit kërkuan azil politik në Uganda.
Nga gjithë këto raste ku lojtarë të Eritreasë kanë refuzuar të kthehen në atdhe më alarmanti ka qenë ai i vitit 2009 në Kenia, ku të gjithë lojtarët e përfaqësueses u larguan duke lënë pas vetëm trajnerin dhe zyrtarët e federatës./Përgatiti: Fjala.al/
