Ovidio Guzman Lopez është djali i famëkeqit të drogës Joaquin Guzman, i cili njihet si “El Chapo”.
28-vjeçari është një nga katër fëmijët nga martesa e dytë e babait të tij. Chapo kishte edhe dy gra të tjera dhe të paktën gjashtë fëmijë të tjerë, sipas raportimeve. Ovidio është udhëheqësi i kartelit të fuqishëm Sinaloa. Ai dhe vëllai i tij i madh Ivan morën nën kontroll bandën e drogës pasi babai i tyre u kap dhe u ekstradua në SHBA në 2017.
Djemtë, të cilët njihen në vend si “Los Chapitos”, më parë mendohej se ishin në luftë me një nga themeluesit e organizatës, Ismel “El Mayo” Zambada i cili donte që ata të largoheshin nga organizata.
Pas gjithë informacioneve famëkeqe fshihen veprime humanitare që e bëjnë Ovidio Guzman-in figurë më pak të tmerrshme nga sa njihet. Djali i El Çapos ka organizuar festa për banorët në Sinaloa, duke u ofruar darkë falas dhe plot 36 makina. Rrjetet shoqërore meksikane u mbushën me video ku makinat dukeshin të vendosura rresht në një qytezë të Sinaloas.
Veprimet e Ivan Archivaldo Guzmanit ngjajnë me ato të ish-bashkëpunëtorit të El Çapos, Pablo Eskobar, i cili shquhej për dhurata bujare, herë pas here. Guzman është pothuajse i paprekshëm tashmë në Meksikë. Pak muaj më parë, ai u arrestua nga policia por u lirua sërish, pasi njerëzit e kartelit iu vërsulën ndërtesave të policisë me armë të rënda, duke i detyruar të tërhiqen.
