Kalimi i të drejtës së pronësisë për pasuritë e paluajtshme brenda trungut familjar përmes dhurimit nuk do të tatohet në vitin 2020.
Deri tani tatimi për dhurimin e një pasurie të patundshme është 15 % e vlerës së tregut.
Paketa Fiskale për vitin e ardhshëm ka marrë miratimin përfundimtar nga Kuvendi i Shqipërisë.
Në ligj sanksionohet se nga janari i vitit të ardhshëm përjashtohet nga tatimi kalimi i pronësisë, për banesat dhe truallin, në rast se dhurimi ndodh brenda trungut familjar, nga prindi te fëmija.
Paketa parashikon edhe përjashtimin nga TVSH për importimin e shtëpive të gatshme, materialeve, komponentëve dhe pajisjeve që do sillen për ndërtimin e banesave (tulla, beton, hekur etj.) dhe që do të gjenden në situacionimin e punimeve, në kuadër të Programit të Rindërtimit.
Një prej incentivave kryesore që sjell Paketa Fiskale është ajo për sektorin e industrisë automotive, ku ulet tatimtimi nga 15% në 5%.
