Presidenti i Federatës Shqiptare të Futbollit, Armand Duka ka thënë se ai nuk ka asnjë lek më shumë seç ka pasur në vitin 1991.
Nga emisioni “Opinion” ku është nominuar edhe për personazhi i vitit 2019, Duka ka folur për ngritjen e stadiumit të ri “Air Albania” si një investim që duhej bërë në botën e futbollit shqiptar, si dhe ka shprehur dëshirën e ngritjes së veprave të tjera publike në vendin tonë.
“Uroj të ketë vepra të tjera publike të tilla në Shqipëri. Është një stadium që i plotëson të gjitha kushtet dhe komoditetet për një ndeshje normale. Në orën 4 shkoj në krevat. Fle pak më shumë se jam më i ri.
Jam shumë i gëzuar që kemi një stadium që i plotëson kushtet. Besoj që ndikon edhe në sjelljet e njerëzve. Që të kishim një stadium të pëlqyer nga të gjithë, duhet të bënim atë që thotë Nastradini: Ta vendosim në qerre dhe ta rrotullojmë. Ka vërejtje që qëndrojnë, por mendoj se balanca është pozitive. Është një objekt shumë mirë. Ishte më e mira e mundshme. Nuk na prish punë kulla. Ishte e pamundur të bëhej ndryshe.”-u shpreh ai.
Më tej, kreu i FSHF-së ka thënë se ka mbaruar studimet për ekonomi dhe se kjo e ka ndihmuar të bjë biznes, por në të njëjtën kohë ka shtuar se dikur nuk e kishte idenë se ekzistonte një institucion nsi Federata Shqiptare e Futbollit.
“Të gjithë mendojmë që jemi specialistë futbolli. Nuk e dija që ekzistonte FSHF si institucion. Ashtu erdhën rrethanat, dhe pasi e fillon të rrëmben. Kam mbaruar ekonomikun në Universitetin e Tiranës. Doja të studioja për Histori-Gjeografi, më dukej më kollaj. Më emëruan në Burrel, më pas u ktheva në Durrës. Fakulteti më ka ndihmuar në mënyrën e të bërit biznes.”-vijon Duka.
Ndër të tjera, ai nënvizon faktin se nuk ka asnjë qindarkë më shumë se në vitin 1991 dhe se punon pafundësisht shumë.
“Nuk kam asnjë lek, por kam prona. Kam aq lek sa kam pasur në 1991, aq kam dhe sot. Punoj sikur do të jem i pavdekshëm.
Kemi mundësi reale për të shkuar në Evropian. Jam pozitiv në mendim. Unë mendoj se shqiptarët janë shumë më të zhvilluar se para 30 vitesh. Asnjë para 30 vitesh nuk do ta mendonte se do të ishim këtu që jemi, me gjithë problematikën që kemi. Mendoj që jemi zhvilluar shumë. Jemi të pakënaqur se kërkojmë shumë. Jemi aty ku duhet të ishim”, u shpreh presidenti i FSHF-së Armand Duka./Përgatiti: Fjala.al/
