Aktivistja e famshme Greta Thunberg është shprehur gjatë një interviste në BBC, se do të refuzonte një takim të mundshëm me presidentin amerikan. Sipas saj një takim i tillë do ishte humbje kohe pasi Trump nuk dëgjon njeri.
“Ai qartazi nuk është duke i dëgjuar shkencëtarët dhe ekspertët. Prandaj, pse do të më dëgjonte mua?”, -u shpreh ajo.
Greta Thunberg ka deklaruar se sulmet e presidentit Trump ndaj saj janë thjesht qesharake dhe se nuk kanë ndonjë kuptim.
“Ato sulme janë thjesht qesharake. Ato nuk kanë ndonjë kuptim. Kuptohet që ata janë të tmerruar nga të rinjtë që po e sjellin ndryshimin. Ata nuk e duan këtë. Ata na shohin si një lloj kërcënimi.”, -tha ajo.
Në anën tjetër, babai i Gretës, Svante, tha se në fillim kishte menduar që qëndrimi i vajzës së tij në “vijën e frontit” kundër ndryshimeve klimatike ishte një ide e keqe. Sidoqoftë, ai tha se përfshirja e vajzës në aktivitete botërore e ndihmoi që ta mposhtë depresionin që e kishte në fillim./Fjala.al
