Një ngjarje skandaloze ka ndodhur në klubin e basketbollit të femrave ICIM Arad në Rumani, ku mësohet se presidenti i skuadrës, Marcel Urban ka pasur marrëdhënie seksuale me dy lojtare.
Ky lajm është bërë publik nga trajneri që ka drejtuar skuadrën në sezonin 2016-2017, Stacey Nolan.
Tekniku amerikan u larguar nga drejtimi i ekipit në vitin 2017 dhe deri më tani nuk kishte pranuar të fliste për arsyet që e çuan drejt këtij veprimi. Në një komunikim me mediet rumune ai ka folur tashmë se çfarë e shtyu të largohet nga klubi i ICIM Arad, ku ka theksuar se një e besuar brenda klubit e ka informuar për marrëdhënien e presidentit me lojtaret Brankica dhe Adela.
“Duket e pabesueshme, por në një moment kur i bëra të ditur se njërën prej lojtareve nuk do ta aktivizoja për një ndeshje më kundërshtoi menjëherë.
Për mua ishte e qartë se presidenti dhe këto dy lojtare kontrollonin ekipin dhe se kishin marrëdhënie së bashku. Mendoj se trajnerët nuk duhet të futen në raporte intime me lojtaret apo drejtuesit, pasi krijohet një atmosferë e papërshtatshme, për të punuar normalisht”-tha për mediet vendase Nolan./Përgatiti: Fjala.al/
