Ish-ministri dhe ish-deputeti i Partisë Demokratike, Genc Pollo e ka cilësuar si një hap tjetër të degradimit të shtetit ligjor ekstradimin e shtetasit turk, mbështetës i Gylenit, kundërshtar i Presidentit Erdogan në Turqi.
Në një postim në “Facebook”, Pollo ka rishparndërë një shkrim të tijin të muajit gusht, teksa thekson se ekstradimi i djeshmëm është një ngjarje e paralajmëruar.
Shtetasi turk Harun Çelik, 42 vjeç përfundoi dënimin në Shqipëri dhe në vend që të verpohej siç edhe u komunikua e të dërgohej në qendrën e azilkërkuesve, ai është marrë në mënyrë të paligjshme dhe është mbajtur disa orë në Drejtorinë e Kufirit dhe Migracionit në Laprakë dhe më pas e kanë çuar në Rinas, për t’u depërtuar drejt Turqisë ku ndiqet penalisht.
Ish-deputeti kujton se dy vite më parë kur ndodhi një ngjarje e tillë në Kosovë u shkarkua nga detyra ministri i Brendshëm.
“Policia e Lleshit ditën e parë të vitit të ri (e të kryesisë së OSBE-së) e rrëmben turkun dhe e dërgon pako postale aty ku të drejtat themelore të tij nuk mund të mbrohen. Edi Rama thotë unë nuk di gjë se çfarë bën Lleshi im se më duhet të laj duart. Lleshi nuk bëzan ende. Ligjet e shtetit e konventat europiane shkelen me dy këmbë.
Kronikë e një ngjarjeje të paralajmëruar. Hap tjetër në drejtim të degradimit (banditizimit) të shtetit ligjor.
- S. Kur diçka e ngjashme ndodhi para dy vitesh në Kosovë kryeministri shkarkoi brenda ditës ministrin e brendshëm”-thotë ndër të tjera Genc Pollo./Përgatiti: Fjala.al/
