Ditën e djeshme u zhvillua në Angli ndeshja midis Sauthemptonit dhe Tottenhamit, por vëmendje më shumë se takimi ka marrë trajneri i këtyre të fundit Jose Mourinho.
Gjatë zhvillimit të takimit, tekniku u pe tek shkonte në drejtim të stolit të kundërshtarëve dhe u përkul për të lexuar shënimet e njërit prej asistentëve të stafit të Sauthemptonit.
Pas këtij veprimi midis tyre pati disa fjalë dhe më pas gjyqtari i ndeshjes e cilësoi këtë sjellje si të papërshtatshme duk i dhënë kështru trajnerit të Tottenham karton të verdhë.
Në një komunikim me mediet pas ndeshjes, Mourinho tha se e meritoi kartonin pasi bëri një veprim të pasjellshëm ndaaj një idioti.
“E meritova kartonin e verdhë pasi u tregova i pasjellshëm. Por isha i pasjellshëm me një idiot, megjithatë e pranoj kartonin. Çfarë i thashë? Nuk e tregoj, praktikisht fola keq me të”,-u shpreh portugezi pas ngjarjes./Përgatiti: Fjala.al/
