Ismail Qaani, u emërua si Komandanti i Forcave “Al-Quds”, një ditë pasi komandanti i mëparshëm, Qassem Soleimani u vra nga një sulm me raketë i organizuar prej Shteteve te Bashkuara të Amerikës, në Irak.
Sipas Al-Jazeera, Qaani deklaroi: “Ju themi të jeni të durueshëm, pasi së shpejti do të shihni kufomat e amerikanëve në të gjithë Lindjen e Mesme”.
Deklarata e kreut të ri të forcave elitë irakiane, vjen pasi Këshilli Kombëtar i Sigurisë së Iranit tha që Teherani do t’i përgjigjej sulmit amerikan “në kohën dhe vendin e duhur”.
Më parë se kaq Irani u zotua të hakmerrej për vdekjen e gjeneralit Soleiman.
Ndërkohë, Shtetet e Bashkuara i thanë Arabisë Saudite që dëshironin të shihnin zbehjen e tensioneve në Lindjen e Mesme. Por “Al-Jazeera” thotë se Washingtoni po planifikon të dërgojë 3.500 trupa shtesë në rajon./Fjala.al
