Sydney është përballur me temperatura marramendëse duke shënuar pjesën më të nxehtë të tokës për ditën e sotme, duke favorizuar zjarret që po shkatërrojnë Australinë.
Temperatura 48.9 gradëve Celsius, ka mbizotëruar në Penrith, rreth orës tre të pasdites.
Erëra të fuqishme kanë vazhduar të fryjnë, duke shkaktuar frikë se do të ndizen zjarre të rreja, por forca të shumta zjarrfikësish u shtuan në New South Wales.
Zjarrfikësit janë frikësuar për më të keqen, për 200 mijë banorët në Penrith, ndërsa deri në orët e pasdites, niveli i alarmit ishte në “rrezik për zjarre”.
“Jemi më të përgatitur se kurrë më parë, ngaqë gjendja është shumë e rëndë. Në mëngjes kemi pasur 137 vatra zjarri, ku 60 ishin jashtë kontrolli. Me përkushtim, arritëm ta tejkalojmë këtë situatë”, -thuhet në raportin e autoriteteve të sigurisë.
Si pasojë e shtëllungave të mëdha nga tymi, qielli mbi shumë qytetet në Australi ka marrë ngjyrë portokalli, derisa banorët kishin probleme me frymëmarrjen./Fjala.al
