Pushimi që prej muajit nëntor të vitit që sapo mbyllëm duket se nuk ka ndikuar aspak të forma e lojtarit të sapo rikthyer te Milan, Zlatan Ibrahimovic.
Gjatë fazës përgatitore të “Djallit” suedezi ka shfaqur formë fizike për tu pasur zili dhe ka bindur teknikun Pioli që të ketë një vend te formacioni i takimit ditën e nesërme kundër Sampdorias.
Ashtu siç pritej nga drejtuesit e klubit italian, por edhe nga mbështetësit e shumtë të tyre sulmuesi tregoi se mosha dhe pushimi nuk kanë aspak ndikim te ai.
Rikthimi i Ibras te Milan ka ringjallur shpresat e çdokujt brenda kampit kuqezi, pas një fillim sezoni jo të mirë dhe humbjes së tmerrshme në 5-0 ne ndeshjen me Atalantën.
Nga mediet vendase raportohet se “San Siro” pritet të jetë plot në ndeshjen e së hënës në orën 15:00 dhe kjo e gjitha për shkak të frymës pozitive që Zlatan Ibrahimovic ka risjellë te tifozeria kuqezi.
Megjithatë, formacionin me Ibran brenda sjell ndryshime te “Djalli”, duke sakrifikuar Piatek, i cili duhet të ulet në pankinë për t’i lënë vendin e tij ish-kapitenit të Suedisë./Fjala.al/
