Atalanta është duke luajtur me Parmën ndeshjen e parë të këtij viti dhe të 18-ën për sezonin 2019-2020 të Serisë A.
Fitorja me rezultatin 5-0 ndaj ekipit të Milan në takimin fundit të 2019-ës duket se nuk ishte e vetmja për këtë skuadër.
Jemi vetëm disa minuta nga mbyllja e ndeshjes Atalanta-Parma dhe pritësit kanë arritur që të shënojnë edhe këtë radhë pesë herë në portën e kundërshtarëve.
Ishte Alejandro Gomez ai që zhbllokoi rezultatin në minutën e 11-të të lojës, për t’u prirë më pas nga goli Remo Freuler në minutën e 34 dhe për ta mbyllur pjesën e parë të lojës në minutën e 43-të Robin Gonsens e trefishoi rezultatin për skuadrën e Atalantës.
Ndërsa pjesa e dytë e lojës ka nisur pak më e qetë duke mos pasur goditje në portë deri në minutën e 60-të, në të cilën Josip Ilicic shënoi ishte personi i katërt që shënoi në portën e Parmës, duke bërë kështu poker golash.
Në minutën e 71 Ilisic arriti që të dyfishonte rezultatin e tij dhe në të njëjtën kohë të shënonte të pestin gol për Atalantën/Fjala.al/Përgatiti: Katerina Tafa/
