Ylli i Barcelonës, sulmuesi Lionel Messi është duke u kërkuar drejtuesve të klubit katalanas që të rinovojnë kontratën e mikut të tij Luis Suarez.
33-vjeçari është tashmë brenda 18 mujorit të fundit të kontratës dhe duket se kjo gjë e ka shqetësuar disi argjentinasin, i cili e ka parë të arsyeshme të ndërhyjë në këtë çështje.
Kohët e fundit nga mediet spanjolle është folur për një zëvendësim të mundshëm të uruguaianit, ndaj dhe Messi e ka parë si të domosdoshme këtë veprim.
Gazeta katalunase “Mundo Deportivi” shkruan se Messi është duke insistuar që Suarezit t’i jepet sërish mundësia për të luajtur me Barçën edhe për disa vite të tjera.
Javën e kaluar Suarez deklaroi se është pro rinovimit të kontratës, nëse kjo gjë do t’i ofrohej nga klubi.
“Zgjatja e kontratës sime? Jam shumë i lumtur në klub. Gjithmonë kam dhënë gjithçka. Statistikat dhe shifrat më dëshmojnë të drejtën”,- u shpreh Luis Suarez./Fjala.al/
