Papa Françesku natën e Vitit të Ri ka reaguar duke shtyrë një besimtare aziatike në sheshin e “Shën Pjetrit”. Por mesa duket nuk kanë të sosur veprimet e tij të cilat kanë bërë xhiron e rrjetit.
Ati i Shenjtë u rikthye pranë besimtarëve dhe u takua me pelegrinët në sallën Paolo VI, pas dëgjesës së përgjithshme. Mes tyre ishte dhe një murgeshë afrikane, entuziaste në maksimum që donte të takonte kreun e Kishës. Papa Françesku e pa murgeshën dhe i tha “Kam frikë! Ti kafshon! Do të të jap puthjen, por rri e qetë, mos kafsho” dhe më pas e përqafoi.
E gjithë situata është komentuar si një ironi nga ana e Papës pas incidentit që ndodhi për Vitin e Ri ku ai u tërhoq nga dora nga një besimtare në sheshin “Shën Pjetri” dhe për pak u rrëzua. Ai iu rikthye i indinjuar asaj duke e goditur në dorë që ta lëshonte. Papa kërkoi menjëherë falje për ngjarjen dhe shembullin e keq duke pranuar se kishte humbur durimin.
