20 ekipe janë kualifikuar për Kampionatin që zhvillohet verën e ardhshme në të gjithë kontinentin.
Këtë të shtunë u hodh shorti i turneut përfundimtar të UEFA Euro 2020, i cili u mbajt në Bukuresht të Rumanisë në orën 18:00.
Deri më tani janë kualifikuar këto ekipe:
Belgjika, Italia, Rusia, Polonia, Ukraina, Spanja, Franca, Turqia, Anglia, Republika Çeke, Finlanda, Suedia, Kroacia, Austri, Holanda, Gjermania, Portugalia, Zvicra, Danimarka dhe Uellsi.
Katër ekipe të tjera do të kualifikohen në play-off, në ndeshjet që zhvillohen në Mars të vitit 2020 ku konkurron edhe Kombëtarja e Kosovës.
Faktet dhe shifrat e Euro 2020
Për herë të parë, Kampionati Evropian do të luhet në më shumë se dy vende. Në total, 12 vende të ndryshme do të presin turneun e vitit 2020, ku gjysma e tyre do të mirëpresin një turne të tillë të madh ndërkombëtar për herë të parë, vende ku përfshihen: Azerbajxhani, Danimarka, Irlanda, Hungaria, Rumania dhe Skocia.
Finalja e Kampionatit Evropian 2020 do të luhet në Wembley Stadium. Kjo është hera e dytë që ky vend do të jetë nikoqir i finales së këtij turneu që prej vitit 1996.
24 ekipe po marrin pjesë në Evropianin e 2020-ës, me Finlandën që është i vetmi komb që ka bërë debutimin në garë, midis 20 të cilëve tashmë janë kualifikuar.
Që nga 1988-ta, fituesi i Kampionatit Evropian ka kryesuar grupin e tij vetëm tre herë në tetë turne (Gjermani 1996, Spanjë 2008 & 2012), një raport 37.5%. Në vitin 2016, Portugalia u bë skuadra e parë që ngriti trofeun pavarësisht se nuk fitoi një ndeshje të vetme në fazat e grupeve (3 barazime) dhe përfundoi e treta.
Katër edicionet e mëparshme të Evropianit kanë parë dy finalistët të përballen me njëri-tjetrin në fazat e grupeve dhe në finalen e të njëjtit turne (1988, 1996, 2004, 2012). Kjo ka ndodhur çdo tetë vjet që nga viti 1988.
Gjatë dy turneve të fundit të Kampionatit Evropian, vetëm një skuadër arriti të fitojë të tre ndeshjet e saj në grup në një edicion të vetëm dhe ajo është Gjermania në vitin 2012.
Loja më e frytshme në Kampionatin Evropian ishte ndeshja e parë në historinë e turneut, më 6 korrik 1960: nëntë gola u shënuan në një fitore 5-4 për Jugosllavinë kundër Francës.
Tre nga gjashtë finalet e fundit të Kampionatit Evropian kanë kaluar në kohë shtesë (1996, 2000, 2016). Sidoqoftë, e vetmja finale e euros që shkoi në penallti ishte në 1976, me Çeko-Sllovakinë që fituan 5-3 me Gjermaninë.
Gjermania, Spanja dhe Franca kanë fituar 53% të Kampionatit Evropian. Gjermania dhe Spanja janë gjithashtu skuadrat e vetme që e kanë fituar atë në tre raste.
Portugalia do të përpiqet të bëhet e vetmja skuadër e dytë që fiton Kampionatin Evropian pas Spanjës (2008, 2012). Ajo është gjithashtu skuadra e vetme që ka arritur në fazat nokaut të turneut në secilën nga gjashtë edicionet e fundit, një pistë që shkon prapa në turneun e 1996.
Franca do të përpiqet të bëhet skuadra e që fiton Kupën e Botës dhe Kampionatin Evropian pas Gjermanisë Perëndimore (Euro 1972, Kupa Botërore 1974), Franca ka fituar (Kupa Botërore 1998, Euro 2000) dhe Spanja ka fituar ( Euro 2008, Kupa Botërore 2010, Euro 2012).
14 golat e Francës (në 5 ndeshje) në Euro 1984 është shifra më e lartë e regjistruar nga një ekip në një turne të Kampionatit Evropian.
Asnjë skuadër nuk ka luajtur aq ndeshje sa Anglia pa arritur asnjëherë në finale (31 ndeshje, 0 finale).
Lojtarët dhe menaxherët
Shënuesi më i mirë në një Euro të vetme është Michel Platini, mesfushori francez shënoi nëntë gola në edicionin e vitit 1984, duke e çuar Francën drejt trofeut për herë të parë. Ai gjeti rrjetën në të pesë lojërat e Francës, përfshirë hat-truket në fazat e grupeve dhe golin e hapjes në finale.
Cristiano Ronaldo mban rekordin për shumicën e ndeshjeve (21), shumicën e golave (9, të përbashkët me Michel Platini) dhe shumicën e edicioneve me të paktën një gol (4) në Kampionatin Evropian. Sulmuesi portugez është gjithashtu lojtari evropian me paraqitjet më të mëdha në turnetë e mëdha, Kupën e Botës dhe Euro të kombinuar, 38 të tilla, njësoj si Bastian SchWeinsteiger.
Që nga viti 1980, vetëm Karel Poborsky i Republikës Çeke ka dhënë më shumë asistime sesa Cristiano Ronaldo i Portugalisë në Kampionatin Evropian, plot 6 të tilla. Rekordi për shumicën e asistimeve në një turne që nga viti 1980 i takon Ljubinko Drulovic për FR Jugosllavi në vitin 2000 (4), Aaron Ramsey të Wales në 2016 (4) dhe Eden Hazard të Belgjikës në 2016 (4).
Antoine Griezmann i Francës është përfshirë drejtpërdrejt në më shumë gola (14) sesa çdo lojtar tjetër evropian gjatë dy turneve të fundit: 10 gola + katër asistime në 14 ndeshje në Euro 2016 dhe Kupën e Botës 2018. Tetë nga ato gola dhe të katër ndihmat ishin në fazat e nokautit.
Fernando Torres i Spanjës është lojtari i vetëm që shënoi në dy finale në Kampionatin Evropian në vitet 2008 dhe 2012.
Ky është turneu i shtatë i madh i Joachim Löw (Kupa Botërore + Euro) si kryesues i Gjermanisë, duke vendosur një rekord të ri për Nationalmannschaft. Ai ka marrë përsipër 17 ndeshje të Kampionatit Evropian. Löw e ka çuar Gjermaninë në gjysmëfinale në pesë nga gjashtë turnet e tij të mëparshme, me përjashtimin e vetëm të Kupës së Botës në vitin 2018-të.
Nëse Didier Deschamps i Francës nuk llogarit trofeun e Euro 2020, ai do të bëhej personi i parë që fitoi Kupën e Botës dhe Kampionatin Evropian si lojtar ashtu edhe menaxher.
Didier Deschamps (Francë) dhe Ronald Koeman (Holandë) janë menaxherët e vetëm në Euro 2020 që kanë fituar turneun si lojtar raporton AS./Fjala.al/ Përshtati në shqip: Katerina Tafa/
