Ish portieri i Luftëtarit, Festim Miraka, i cili ka luajtur plot dy sezone me këtë klub dhe ka dhënë një kontribut të madh për kualifikimin historik në Europë, por u përjashtua më pas nga ish presidenti Grigor Tavo ka reaguar ashpër ndaj drejtuesve aktual të kësaj skuadre.
Në ndeshjen midis Luftëtarit dhe kamzës në vitin 2017 që mbaroi me rezultatin 1-2, Miraka goditi sulmuesin serb, Stevan Raçiç, për këtë arsye u pezullua nga klubi.
Zhvillimet e fundit të mesfushorit të kësaj skuadre, Donald Rapo kanë bërë që Miaraka të reagojë ashpër në mbrojtje të shokut të skuadrës në një koment në postin e mesfushorit në “Facebook”.
32-vjeçari që momentalisht luan me skuadrën e Bylisit, ka thënë se drejtuesit e Luftëtarit ta hedhin poshtë mundin e djersën.
“Vëlla, mos e vrit mendjen. Ti edhe pa lekë ke dhënë maksimumin, po ata janë mësuar të hedhin poshtë mundin dhe djersën me një fjalë. Por, ne e njohim shumë mirë kush është Donald Rapo.
Nuk e dinë se çfarë është futbolli. E dinë topin katror. Respekte”,-shkruan Miraka në profilin e Rapos, pasi mesfushori kishte sqaruar opinionin për largimin nga Luftëtari dhe stërvitjen me Laçin./Fjala.al/
