Presidenti i Federatës Shqiptare të Futbollit, Armand Duka i akordoi titullin kapitenit të skuadrës përfaqësuese mbrojtësit të Napolit, Elseid Hysaj.
Ky lajm u bë publik nga intervista që Duka kishte dhënë për “Gazzetta Dello Sport”. Tërheqja e Lorik Canës nga futbolli dhe ardhja e Cristian Panuçit në postin e trajnerit e ndryshuan total situatën e Kombëtares.
Shiriti i kapitenit pas Canës i kaloi Ansi Agollit e më pas Mërgim Mavrajt, duke u bazuar mbi numrin e aktivizimeve të tyre.
Ndërsa, së fundmi kreu i FSHF-së e gradoi Elseid Hysajn si kapitenin e kuqezinjve. Në lidhje më këtë deklaratë të Dukës, gazeta italiane ka kontaktuar ekskluzivisht me Mërgim Mavrajn.
Ata e pyetën Mavrajn nëse kishte ndonjë informacion apo komunikim në lidhje më këtë vendim.
Me qetësi siç di të përgjigjet mbrojtësi shqiptar ka deklaruar se respektonte këtë vendim.
“Nuk kam asnjë reagim. Respektoj fjalët dhe vendimin e tij”-u shpreh Mërgim Mavraj./Fjala.al/
