Kombëtarja shqiptare e U-17, e drejtuar nga trajneri Elvin Beqiri, ka filluar turneun e përvitshëm miqësor “Mercedes Benz Aegean Cup” me fitore në ndeshjen e zhvilluar sot në orën 15:15 në Turqi.
Shqipëria fitoi me rezultatin 1-0 ndaj Maqedonisë së Veriut, ku realizues i golit ishte sulmuesi Melsi Cereni.
Kjo është ndeshja e parë në këtë turne për vendin tonë, ku golin e fitores e ka realizuar kapiteni i kësaj kombëtare, Cereni, pas një aksioni të bukur në zonë në minutën e 80′.
Pjesa e parë është mbyllur me rrjeta të paprekura dhe një lojë të dominuar nga kuqezinjtë. Ndeshja e radhës për kuqezinjtë do të zhvillohet ndaj Ukrainës, në datën 17 janar 2020.
Formacioni i Shqipërisë U-17:
Simoni, Halili, Çela, Stafa, Pano, Beluli, Neziri, Bajraktari, Çereni, Deda, Blakqori. U aktivizuan: Selimi, Kacanolli, Kote, Miftari dhe Tahiri.
Sfida e fundit për grupin B, ku bëjmë pjesë në turneun që po organizohet në Altinordu të Turqisë, do të zhvillohet në datën 19 janar nda Koresë së Jugut./Fjala.al/
