UEFA ka publikuar ditën e djeshme formacionin më të mirë të vitit 2019, që është votuar prej ditësh me radhë nga mbi dy milionë tifozë.
Ylli i Juventus, Cristiano Ronaldo ishte pjesë e formacionit të zgjedhur nga tifozët e Ligës së Kampionëve.
Ky formacion u publikua në faqen zyrtare të UEFA-s dhe duket se aty janë disa nga emrat më të madhej të futbollit të kampionëve.
Në portë u vendos Alisson Becker, mbrojtja përbehej nga Trent Alexander-Arnold, Virgil Van Dijk, Matthijs de Ligt dhe Andry Robertson.
Mesfusha u fitua nga Frenkie de Jong dhe Kevin de Bruyne, ndërsa në sulm u vendosën katër lojtarë si Lionel Messi, Sadio Mane, Robert Lewandowski dhe Cristiano Ronaldo.
Ndaj këtij formacioni ka reaguar media britanike “Daily Mail”, e cila raporton se ka zbuluar një mashtrim skandaloz të UEFA-s.
Sipas kësaj medieve mesfushori i Chelseat, N’Golo Kante u largua nga formacioni zyrtar, pasi UEFA ndryshoi formacionin për ta mbajtur Ronaldon në ekipin e vitit 2019.
UEFA duket se ka zgjedhje tradicionale formacionin 4-3-3, ndërsa këtë herë u ndryshua në formacion 4-2-4 për Ronaldon.
Messi, Mane dhe Lewandowski mblodhën numër më të madh votash ndër sulmuesit, ndërsa Ronaldo do të mbetej jashtë./Fjala.al/
