“El Clasico” gjithmonë pitet me emocion të madh jo vetëm në Spanjë, por në të gjithë botën ku ka tifozë të dy prej skuadrave më të mëdha në Europë.
Ndeshja e fundit midis tyre u zhvillua në 18 dhjetor në vend që të ishte mbajtur në 26 tetor siç ishte planifikuar dhe shkak për këtë u bënë trazirat politike në vend. Ky takim u mbyll në paqe me barazimin 0-0, ndonëse dominimin kryesor të lojës e patën madrilenët.
Tani është vendosur data se kur do të zhvillohet derbi midis Realit dhe Barçës dhe duket se na ndan një muaj e gjysmë nga kjo super përballje.
Real Madrid do të presë Barcelonën më 1 mars 2020 në takimin e La Ligës në orën 21:00, që momentalisht ka në krye të saj të dyja skuadrat, të cilat janë me nga 40 pikë secila.
Ky lajm është konfirmuar edhe nga Presidenti i La Ligës, Javier Tebas gjatë një udhëtimi që kishte në Londër. Kjo përballje do të jetë vendimtare për titullin e kategorisë, megjithatë përpara saj janë dhe shumë ndeshje të tjera që kanë ndikim.
Duhet të rikujtojmë se Barça në këtë takim do jetë me drejtues tjetër, pasi vendin e Ernesto Valverdes tashmë e mban Quique Setien./Fjala.al/Katerina Tafa/
