Ndërkohë që situata e virusit në Kinë sa po vjen dhe po përkeqësohet ministria e Financave dhe Komisioni Kombëtar i Shëndetësisë kanë ndarë 8 miliardë e 740 mln dollarë për të luftuar përhapjen e coronavirusit, i cili ka vrarë 81 persona dhe ka infektuar 2744.
Virusi po përhapet me shpejtësi pasi është shumë ngjitës, dhe një njeri i infektuar mund ta transmetojë te të tjerë edhe nëse nuk ka shfaqur ende simptoma.
Në fazat e para ky virus shkakton temperaturë të lartë, kollë dhe diare ndërsa kur situata përkeqësohet virusi shkakton pneumoni te pacientët. Shumë aeroporte në mbarë botën kanë marrë masa për parandalimin e virusit duke i kontrolluar udhëtarët që kanë temperaturë të lartë ose ndonjë simptomë tjetër që lidhet me coronavirusin./Fjala.al
