Janë më shumë se 2,700 raste të konfirmuara të koronavirusit dhe 80 jetë të humbura në Kinë. Në të gjithë Kinën, 15 qytete me një popullsi totale prej mbi 57 milion njerëz janë vendosur nën mbyllje të plotë ose të pjesshme.
Shqetësimi në të gjithë botën është duke u rritur në lidhje me shkallën e transmetimit, dhe me zyrtarët kinezë të shëndetësisë që thonë se virusi mund të përhapet përpara se të shfaqen simptomat. Në listën e bërë publike nga vetë autoritete kineze shihet që kryeson Hubei në të cilin përfshihet edhe krahina e Wuhan): 1,423, përfshirë 76 vdekje, qyteti i dytë më i goditur është Guangdong me 146 raste dhe Zhejiang me 128 raste!
Ministri kinez i shëndetësisë Ma Xiaowei dhe zyrtarë nga Qendra për Parandalimin e Sëmundjeve Infektive nuk fshehin të dhënat tronditëse të koronavirusit të ri që ka epiqendrën në Wuhan dhe që ka ‘ardhur’ për të infektuar gjithë botën. Ai mendohet të jetë më shumë më ngjitës sesa u mendua në fillim.
“Ne nuk kemi identifikuar akoma burimin e infeksionit dhe nuk jemi të qartë për rrezikun e mutacioneve dhe si përhapet sëmundja,”- tha Ministri Ma.
Fenomeni më shqetësues është se virusi ka një periudhë inkubacioni që mund të zgjasin deri në 14 ditë, dhe “mund të transmetohet midis njerëzve që nuk kanë shfaqur ende ndonjë simptomë”. Për më tepër, mikroorganizmi është i vështirë për tu ndjekur, sepse përhapet para se pacientët të kenë vërejtur se e kanë kontraktuar atë.
Dje, Organizata Botërore e Shëndetit (OBSH) regjistroi një rast të ri, atë të një qytetari vietnamez i cili ishte infektuar duke mos qenë asnjë ditë në Kinë. n.k./Fjala.al/
