Autoritetet në Los Angeles thonë se në helikopterin që u rrëzua mbrëmë, bashkë me legjendën e basketbollit, Kobe Bryant dhe vajzën e tij 13-vjeçe, ishin edhe 7 persona të tjerë.
Deri orëve të para të së sotmes ishte raportuar për pesë viktima, ndërsa në konferencën e fundit të Policisë është thënë se besohet se pos pilotit, në helikopter ishin edhe tetë pasagjerë.
‘Los Angeles Times’ raporton se Policia beson që në bord gjendeshin tetë pasagjerë dhe piloti. Të gjithë besohet se kanë vdekur, mirëpo ende nuk dihet asgjë për identitetin e viktimave të tjera.
Zyrtarë të NBA kanë konfirmuar se një nga më të mirët në historinë e basketbollit, 41-vjeçari Bryant ka vdekur bashkë me vajzën e tij 13-vjeçe, Gianna Maria.
Gjithë bota është indinjuar nga kjo tragjedi. Mesazhe prej gjithë botës kanë vërshuar në drejtim të familjes së atij që konsiderohet një prej më të mëdhenjve të historisë së basketbollit! n.k/Fjala.al/
