Kukullat Barbie kanë qenë shoqërueset tona më të mira gjatë fëmijërisë. Ato u prezantuan për herë të parë më 9 mars të vitit 1959 në Nju Jork. Koleksioni më i madh i tyre gjendet në Gjermani me 18.000 ekzemplarë.
Që nga prezantimi i parë i kukullës Barbie, modeli i tyre është rifreskuar. Krijuesi i kukullës Barbie prezantoi modele të reja të kësaj linje, ku përfshiheshin kukulla pa flokë dhe me sëmundje të lëkurës siç njihet dhe vitiligo (sëmundje e lëkurës, ndryshimi i pigmentit në zona të ndryshme).
Kompania Mattel, në një deklaratë që dha shpjegoi se kërkon të fusë në linjën e saj një pikëpamje multi dimensionale të bukurisë dhe modës përmes këtyre modeleve.
Duhet të theksojmë se kjo është një gjetje shumë e mirë në mënyrë që çdo fëmijë , i cili është ndryshe nga të tjerët të ketë kukullën e cila i ngjason.
Prototipi i kukullës Barbie me vitiligo u postua në Instagram vitin e kaluar dhe pati një feedback pozitiv.
Gjatë vitit të kaluar u prezantuan modele të kukullës me gjymtyrë protezë dhe kukulla në karrige me rrota.
Për të kryer këto modele, kompania punoi me persona me aftësi ndryshe, për t’i realizuar në mënyrë sa më origjinale.
Dy modelet më të shitura të kukullës në Britani në vitin 2017 ishin pikërisht ato në karrige me rrota dhe me gjymtyrë protezë.
