Koronavirusi ka lënë 908 viktima dhe mijëra të tjerë janë duke luftuar me virusin vdekjeprurës çdo ditë. Britania e Madhe e ka shpallur atë një kërcënim serioz.
Ndërkohë një biznesmen britanik është etiketuar nga mediat si super-shpërndarës i sëmundjes pasi ka infektuar shumë të tjerë.
Ai e mori virusin në Singapor. Megjithatë biznesmeni rreth të 50-ave vazhdoi udhëtimin e tij drejt Francës, ku u ndal në një resort skish. Aty mendohet se ia kaloi virusin pesë personave.
Më pas mori avionin e mbushur plot nga Gjeneva drejt Londrës. Kur mbërriti në shtëpi, doli edhe në një pub për të pirë birrë.
Qindra njerëz po testohen kudo që ai ka lënë gjurmë. Ekziston frika se ai ka infektuar të paktën edhe shtatë persona të tjerë.
