Një Ferrari F40 me vlerë 1 milion paund u pushtua nga flakët në rrugët e Monte Carlos.
Shoferi i pakujdesshëm i makinës e përplasi makinën në mur pasi po ecte me shpejtësi të lartë.
Sipas pronarëve të shtëpisë, makina sapo ishte blerë nga shoferi atë pasdite. “Ne dëgjuam një zhurmë të madhe dhe vrapuam për të parë se çfarë kishte ndodhur,” tha burri.
“Pronari i makinës na tha se askush nuk ishte lënduar dhe ai ishte duke qeshur me situatën që i ndodhi”.
Fotot dhe videoja tregojnë gjuhët e flakëve që dalin nga pjesa e pasme e makinës legjendare, duke e shkrirë makinën në rrugët e Monakos.
Makina sportive Ferrari F40 është një nga 1311 ekzemplarët e prodhuar duke nisur nga fundi i viteve ’80 dhe është një nga makinat e rrugës më të shpejta në histori.
