Paraqitet e qetë situata në bulevardin “Dëshmorët e Kombit”, aty ku pritet të nisë manifestimi i presidentit Ilir Meta. Në orën 17:00 është parashikuar të nisë zyrtarisht manifestimi ndërkohë që të parët që kanë zënë vendet janë efektivët e Policisë së Shtetit.
Gjatë mesditës u panë në Tiranë efektivë të pajisur me maska kundra-gaz, si dhe blinda dhe autobote. Rreth 1000 efektivë pritet të vendosen përgjatë bulevardit teksa qytetarët do të protestojnë.
Presidenti Meta akuzon mazhorancën e drejtuar nga kryeministri Edi Rama se po realizon një “grusht shteti” duke tentuar të kapë Gjykatën Kushtetuese. Ai ka paralajmëruar edhe firmosjen e një dekreti, por pa dhënë më shumë detaje.
