Më 5 prill të vitit 2007 kuvendi i Kosovës ka miratuar një deklaratë për përcaktimin e statusit të vendit, ku mbështetet propozimi i kryenegociatorit Martti Ahtisaari.
Ahtisaari dorëzon propozimin Prishtinës dhe Beogradit më 2 shkurt 2007, ku thuhej se Kosova do të jetë një shoqëri shumë-etnike, që e qeveris veten në mënyrë demokratike dhe me respekt të plotë për rendin ligjor, nivelin më të lartë të të drejtave të njeriut dhe lirive themelore të pranuara nga bota ndërkombëtare, dhe që nxit ekzistencën paqësore dhe të lulëzuar të gjithë banorëve të saj.
Ndërsa, më 10 qershor 2007, Presidenti amerikan, George W. Bush, vizitoi Tiranën, nga ku tha se Kosova do ta marrë pavarësinë. Pas disa bisedimeve, Kosova arriti që më 17 shkurt 2008 të shpallej shtet i pavarur.
