Ministri i Punëve të Brendshme, Sandër Lleshaj, pas zgjerimit të vatrës së epidemisë së COVID-19 ka shkuar në Shkodër.
Së bashku me kreun e Policisë së Shtetit, Ardi Veliun, Lleshaj ka kryer inspektime në disa tregje, si në Rus, Zdrale dhe zona të tjera. Pas Tiranës, Shkodra ka pasur një rritje të frikshme të infeksioneve gjatë ditëve të fundit, ku janë shënuar 48 raste në rang qarku, 44 prej të cilave janë në rang bashkie.
Gjatë një komunikimi me gazetarët, Ministri i Brendshëm e quajti situatë kritike atë që po ndodh në Shkodër dhe deklaroi se do të thellohen masat e sigurisë.
“Do të thellojmë masat e sigurisë në shkodër me qëllim. Të evitojmë grumbullimet. Nuk është koha për të bërë ceremoni as për të respektuar të vdekurit siç meritojmë apo gëzimet. Jemi në një kohë anormale. Mesazhi është të bëjmë maksimumin për të frenuar dhe kapërcyer këtë situatë jemi në fazë kritike dhe maksimi që mund të bëjmë është: Kush nuk ka punë të rrijë në shtëpi shkurt e saktë. Nuk kemi kohë të bëjmë takime e biseda”-deklaroi Sandër Lleshaj./Fjala.al/
