Ishin në gjumë dhe nuk e prisnin që forcat e policisë do i hynin pikërisht nga vendi që ata kishin ndërtuar për t’u arratisur.
Brenda një banese në Stockton-on-Tees, në lindje të Anglisë, një grup shqiptarët kishin ndërtuar një fermë kanabisi me mbi 200 rrënjë dhe me vlerë tregu deri në 200 mijë paund.
K., Moganu, 33 vjeç, A., Ferra, 36 vjeç, S., Ficorri, 29 vjeç dhe A., Ficorri, 33 vjeç, u arrestuan më 4 dhjetor të vitit të kaluar dhe së fundmi ata kanë dalë pëpara gjykatës.
Grupi shqiptar kishte ndërtuar edhe një tunel që lidhte dy banesa me njëra-tjetrën, por që nuk i garantoi atyre arratisjen. Pasi policët gjetën kanabisin, vunë re edhe një tunel që të lidhte me shtëpinë ngjitur. Pasi kaluan nëpërmjet tij, efektivët gjetën në shtëpinë tjetër grupin shqiptar që ishte duke fjetur. Ata u arrestuan të gjithë.
Këtë të hënë, nëpërmjet një lidhje online, ata dolën para trupit gjykues në Teesside, i cili do marrë vendimin për akuzën e prodhimit të drogës të klasit B.
