Japonia ka vendosur t’i dhurojë 20 vendeve në listën e së cilës përfshihet edhe Shqipëria, ilaçin për përdorim kundër koronavirusit.
Lajmi është konfirmuar zyrtarisht dhe theksohet se Shqipëria është në listën e 20 shteteve që do të ndihmohet në këtë periudhë të vështirë ku Covid-19 ka ‘pushtuar’ botën duke marrë mijëra jetë.
Ndërkohë mësohet se ka nisur bashkëpunimi dhe është në diskutime me qeverinë shqiptare, për të siguruar ilaçin Avigan edhe për vendin tonë përmes Zyrës së Kombeve të Bashkuara për Shërbimet e Projekteve (UNOPS) raportojnë mediat ndërkombëtare.
Provat klinike që ka përdorur vendi i Lindjes së Largët janë ende në vazhdimësi, por përdorimi i saj është kryer tek personat me koronavirus atje.
Kështu, Japonia ka zgjedhur 20 vende të cilave Avigan do t’i ofrohet falas, ku përfshihen Shqipëria, Bullgaria, Gjeorgjia, Estonia, Indonezia, Irani, Qipro, Kosova, Luksemburgu, Moldavia, Myanmar, Emiratet e Bashkuara Arabe, San Marino, Arabia Saudite, Serbia, Sllovenia, Turqia, Hungaria, Ukraina dhe Republika Çeke./Fjala.al/
