Prej ditësh në mediat ndërkombëtare, përfshirë CNN, po diskutohet mbi shëndetin e diktatorit të Koresë së Veriut, Kim Jong Un, i cili dyshohet se po vuan nga probleme të rënda shëndetësore. Madje, mediat në Hong Kong kanë raportuar edhe për vdekjen e tij, por informacioni mbetet i dyshimtë dhe i pakonfirmuar.
Ndërkohë që Kina, shteti me marrëdhëniet më të forta me Korenë e Veriut, ka dërguar në Pehnian një ekip mjekësh për të mësuar mbi shëndetin e diktatorit.
Mungesa e Kim Jong Un në festimet e 15 prillit, Ditës së Diellit në Korenë e Veriut, e cila i kushtohet gjyshit të tij, Kim II Sung, shtuan dyshimet mbi gjendjen shëndetësore jo të mirë të dikatorit 36 vjeçar.
NK News në Korenë e Jugut ka raportuar se Kim Jong Un i është nënshtruar më 12 prill një operacioni në zemër dhe se gjendja e tij shëndetësore vazhdon të jetë e rëndë.
Autoritetet në Korenë e Jugut kanë deklaruar se nuk vërejnë asnjë lëvizje të dyshimtë në fqinjin verior që mund të ngrejë dyshime mbi gjendjen shëndetësore të diktatorit.
Edhe presidenti i SHBA-së, Donald Trump, ka deklaruar se nuk ka informacione mbi gjendjen e Kim Jong Un, ndërsa theksoi se shpreson që ai të jetë mirë.
