Elisa Spiroali tregon dhe për jetën në karantinë. Për rreth dy muaj ajo, bashkëshorti dhe dy fëmijët kanë qenë të izoluar. Në emisionin HARD TALK të gazetarit Roland Qafoku Spiropali tregon:
Më rastisi në një kohë shumë të posaçme situata e pandemisë sepse djali i vogël është vetë, tre muajsh. Unë duhet të rrija aty sepse besimi për të hyrë e dalë njerëz në shtëpi ishte i vogël, me prindërit e mi nuk shihesha dot, mamaja nuk vinte dot.
Pra unë dhe bashkëshorti kemi përballuar gjithë barrën, edhe të shtëpisë edhe të të vegjëlve, për të mos folur pastaj për vajzën që është 5 vjeçe. Nuk ka mënyrë për tu shpjeguar fëmijëve pse duhet të rrinë Brenda dhe e ndiej dhimbjen e shumë prindërve.
Shkolla, kopshte të gjitha janë mbyllur, prindërit duhet të rrinë me ta, është disi e vështirë por kemi zbuluar edhe kënaqësi që I kishim harruar.
Të qëndrosh më shumë me fëmijët, të mos e shohësh aq shpesh telefonin, të paktën atë muajin e parë sepse tani I kemi ndezur motorët dhe jemi në zyrë.
Ishte ndjesi shumë e veçantë izolimi sepse të jep mundësi të udhëtosh së brendshmi dhe të rrisësh cilësinë e komunikimit me fëmijët, me partnerët etj. Besoj se të gjithë e kanë përjetuar këtë dhe situatat e rrezikut besoj na bëjnë më të mirë. /l.m/Fjala
