Kryeministri Edi Rama ka zhvilluar ditën e sotme një bashkëbisedim me gazetarët ku ka folur edhe për çështjen e teatrit.
Rama u pyet në lidhje me paralajmërimin e Presidentit Ilir Meta se do të depozitojë padi nëse qeveria nuk reflekton për ta anuluar këtë vendim.
Kreu i qeverisë tha se që në vitet 98’ është shprehur pro një godine të re për Teatrin, ndërsa shtoi se mezi e pret ndërtimin e saj, ndërsa shtoi se është marrë vendimi dhe shtoi se çdokush ka mendimin e tij, por në fund merret mendimi i shumicës.
“Ai është një proces për të cilin unë jam shprehur tanimë nuk e di sa vite u bënë dhe jam njeriu i fundit që duhet të pyesni për të kërkuar ndonjë hap mbrapa. Jam i pari që e kam thënë që prej vitit të largët që në vitin 98-99 që në ato vite që ajo godinë duhet shembur dhe teatri duhet të ketë një godinë të denjë. Mezi pres të shoh teatrin e ri të ndërtuar.
Të gjithë kanë mendimet e tyre dhe në fund vendos shumica. Ne e kemi marrë këtë vendim dhe nuk shoh sesi pakica të caktuara mund të imponojnë në çfarëdo forme vendimmarrje”, u shpreh Rama./Fjala.al/
